Muandishi wa aya za shetani ashambuliwa kwa visu jukwaani Maekani



Mwandishi wa habari aliyezaliwa India, Salman Rushdie, anapumulia mashine hospitalini baada ya hapo jana kushambuliwa akijitayarisha kuhutubia jijini New York, Marekani.


Mashahidi wanasema mshambuliaji alipanda kwenye jukwaa ghafla na kumchoma visu mara kadhaa mwandishi huyo wa kitabu cha Aya za Shetani.


Wakala wake, Andrew Wylie, anasema Rushdie amejeruhiwa ini, mishipa ya damu na huenda akapoteza jicho moja.


Polisi inamshikilia mshambuliaji iliyemtaja kwa jina la Hadi Matar, mwenye umri wa miaka 24.


Rushdie, mwenye umri wa miaka 75, ameishi miaka mingi akiwa chini ya ulinzi wa polisi, kutokana na vitisho vya kuuawa dhidi yake viliyotolewa mwaka 1989 na kiongozi mkuu wa wakati huo wa Iran, Ayatullah Khomeini, baada ya mwandishi huyo kuandika riwaya yake ya nne, Aya za Shetani, ambayo inatajwa kuukashifu Uislamu.


Ingawa baadaye Iran ilijitenga na vitisho hivyo, lakini mwaka 2015, taasisi ya 15 Khordad ya nchi hiyo ulitangaza zawadi ya dola milioni 3.3 kwa yeyote atakayemuuwa Rushdie.

Tufuate kupitia:
  • YouTube Social  Icon
  • Twitter Social Icon
  • Black Instagram Icon
  • Facebook Social Icon

Jiunge nasi :

Usipitwe na kitu