Tufuate kupitia:
  • YouTube Social  Icon
  • Twitter Social Icon
  • Black Instagram Icon
  • Facebook Social Icon

Tunaitunza misitu ya Amazon kwa kuwa inatutunza-Watu wa asili

December 26, 2018

Shirika la Umoja wa Mataifa la mpango wa maendeleo UNDP linafanya kazi kwa kushirikiana na serikali ya Peru na wananchi wanaofuatilia mazingira ili kutafuta mbinu za kuyarekebisha maeneo ambayo yameathiriwa na uchimbaji wa mafuta katika msitu wa Amazon

Ndani ya msimu wa Amazon, nchini Peru, watu wa jamii ya asili ya Loreto Peru, wanaelewa thamani ya msitu huu na rasilimali zake.

Kwa zaidi ya miaka 10 wamekuwa wasimamizi wa kufuatilia na kutoa tarifa kuhusu matokeo ya uchimbaji mafuta katika eneo hilo

Marcial Sánchez, mfuatiliaji wa mazingira wa jamii ya watu wa Quechua  /ˈkeCHwə/ anaeleza,  “Msitu wa Amazon una eneo kubwa . Eneo hilo linamaanisha maisha ya watu wote wa Peru, kwa ulimwengu mzima.

 Dunia ni kama baba na mama ambao wanaokulisha kila siku. Inakupa chakula. Inakupa afya. Inakupa uzima. Kama huna fedha, unachukua ndoano yako na kuleta kilo mbili au tatu za samaki. Na kupata mimea na yucca kutoka nchi yako, na kufanya chakula na familia”

 Dugner Tapuy, mwangalizi wa mazingira kutoka jamii ya watu wa Quechua anasema huwa wanarekodi pia video ya dakika moja au mbili. Wanatafuta eneo kupitia teknolojia ya GPS na kwamba huo ni wajibu wao kama watu wa asili kuhakikisha wanaheshimu mazingira na kipengele cha jamii yao.

 Marcial Sánchez, wa jamii ya asili ya Quechua anarejea tena na kueleza mafanikio ya zoezi lao, “Ninaamini ripoti zetu, picha zetu, ushahidi ambao tunatuma umekuwa wa faida kwasababu kupitia taarifa hizo, kumekuwa na mashirika mengi yanayoonekana hapa.

 Hata Umoja wa Mataifa ambao hatukuwahi hata kuuona katika ndoto zetu au kukutana nao, sasa wako hapa. Ni juhudi za kaka na dada wa hapa.

 Tunayafanya haya kwa mapenzi tuliyo nayo kwa watu wa hapa. Ni kuwalinda watoto wetu, kaka na dada zetu ambao wako hapa. Siyo kwa ajili yangu au Andoas, lakini  ni kwa ajili ya watu wote”
 

 

 

www.mzunguko.com

 

 

 

Share on Facebook
Share on Twitter
Please reload